Waxaa goordhaw qarax xoogan oo jugtiisa laga maqlay qeybo badan oo kamid ah magaalada Muqdisho uu ka dhacay agagaarka Isgooska Baar Ubax ee Degmada Howl Wadaag.
Sida aan Wararka ku helnay qaraxa ayaa ahaa miino wadada dhinaceea la dhigay, waxa uuna ka dhacay meel wax yar u jirta Isgooska Baar Uba gaar ahaan afaafka hore goob Maaajid laga dhisayo.
Qaraxa ayaa la sheegay in waxyeelo kasoo gaartay dad shacab ah oo laamiga baabuur ku mareysay iyo kuwa kale oo ku sugnaa , waxaana dadka waxyeeladu qaraxa kasoo gaartay loola cararay xarumaha caafimaadka.
Lama oga cida lala beegsaday qaraxan oo dhacay daqiiqado yar kahor, waxaana halka uu qaraxu ka dhacay oo aheyd goob mashquul badan mar qura lagu kala cararay markii uu qaraxu dhacay, waxaana goobta soo gaaray ciidamo booliis ah oo ka agdhawaa .
Qaraxan ayaa imaanaya xili ay inta badan xiran yihiin wadooyinka magaalada Muqdisho ayna ka howl galayaan ciidamada amaanka, waxaana qaraxan sidoo kale kusoo aadaya xili Baarlamaanka maanta dood ka leeyahay amaan darada kusoo korortay Muqdisho.
Xafiiska Shabakada Allbanaadir.com
Muqdisho-Somalia
Allbanaadir@live.com
