Guddoomiyaha Baarlamaanka Soomaaliya Maxamed Mursal Sheekh ayaa xildhibaannada Golaha Shacabka u sheegay in maalinta Sabtida ee 6-da April laga doodi doono arrimaha Amniga dalka.
Mursal ayaa sheegay in kulankaas si gaar ah diirada loogu saari doono amniga caasimadda, maadaama ay soo jeediyeen 17 xildhibaan.
Waxaa uu sheegay in Warbaahinta aysan ka qeyb geli doonin kulanka sabtida ee looga doodayo arrimaha Amniga dalka, isagoo aan sheegin wax sabab ah.
Xildhibaanada qaar ee taageersan fekerka gudoomiye Mursal ayaa ku doodaya inuu ku saxan yahay go’aanka saxaafada looga joojiyey kulanka sabtida, maadaama waxa laga hadlayo ay yihiin arrimo la xiriira amniga Qaranka.
Balse Xildhibaano kale qaba Guddoonka Golaha shacabka ay u janjeeraan xukuumadda ayna isku dayayaan inay shacabka ka hor istaagaan ogaanshaha dooda xildhibaannada ee arrimaha amniga.
Xafiiska Shabakada Allbanaadir.com
Muqdisho-Somalia
Allbanaadir@live.com
