Xaalad kacsanaan ah iyo dhiilo colaadeed ayaa maanta mar kale laga dareemayaa degmada Balcad ee gobolka Sh/dhexe ka dib markii Xoogag taabacsan Al-shabaab ay soo buuxiyeen meelo ku dhow degmadaas.
Ciidamada dowlada ayaa la soo sheegayaa iney difaacyo ka sameysteen hareeraha degmada Balcad si ay uga hor tagaan haddii mar kale degmadaas la soo weeraro.
Shacab fara badan oo ka baqaya in lagu dul dagaalamo ayaa la sheegay iney ka barakacayaan xaafadaha degmada Balcad qaarkood, waxaana xirmay suuqii iyo goobihii ganacsiga, kala carar badan ayaana degmadaas saameeyey.
Guddoomiyaha degmada Balcad Qaasim Furdug oo dhex socda degmada Balcad ayaa shacabka ugu baaqaya iney is dejiyaan, aysana jirin wax khatar ah.
Al-Shabaab Jimcihii ina dhaafay dagaal ku qabsatay degmada Balcad, iyagoo heystay saacado kooban, waxayna dab qabadsiiyeen xarunta Maamulka degmadaas, iyadoo dagaalkaas aay ku dhinteen dad badan oo isugu jiray shacab iyo askar.
Xafiiska Shabakada Allbanaadir.com
Muqdisho Somalia
Allbanaadir@live.com Â
