Qaar ka mid ah Xildhibaanada Baarlamanka Somalia ayaa la sheegay inay wadaan Mooshin labaad oo ka dhan ah hashiiskii dekeda Magaalada Berbera.
Heshiiskan oo maalmahan dembe ay isa soo taraysay hadal heyntiisa ayaa waxaa saamiga maalgeshiga dekeda ku qeybsaday shirkadda laga leeyahay Imaaraadka ee DP World, Maamulka Somaliland iyo dowlada Itoobiya.
Dowlada Soomaaliya ayaa hashiiskaas ka hor timid iyadoo ku tilmaantay inuu yahay mid sharci daro ah isla markaana habraaca loo maray heshiiskaas uu yahay mid aan waafaqsanayn dastuurka iyo shuruucda kale ee dalka.
Xildhibaan Maxamuud Abukaate oo ka tirsan Golaha shacabka ayaa sheegay in qaar ka mid ah Xildhibaanada ay wadaan Mooshin ka dhan ah hashiiska Dekeda Magaalada Berbera kaasoo ay ku taageerayaan hadalkii raisul wasaare uu ku diiday heshiiskan.
Guddoonka baarlamanka ayaa hoos u dhigay moowshin kan la mid ah oo sanadkii hore xildhibaanaada Baarlamanku ka keeneen heshiiskan oo xiligaas soo shaac baxay balse aan la saxiixin, waxaana arrintaas loo sababeeyey dowlada Imaaraatka oo heshiisyo mashaariic badan looga fulinayo dalka la saxiixatay Madaxweyne Farmaajo kuwaasoo u muuqday kuwo looga dan lahaa in dowlada ugu yaraan lagu aamusiyo.
Xafiiska Shabakada Allbanaadir.com
Muqdisho Somalia
Allbanaadir@live.com Â
