Wakaalada Wararka u faafisa dowlada Soomaaliya ayaa sheegtay in howlgal qorsheesan oo ciidamada dowlada Soomaaliya ka sameeyeen gobolka Shabeelaha Hoose lagu soo qabtay sargaal katirsanaa Al Shabaab.
Ciidamada amaanka ayey Wakaalada Sonna sheegtay in howlgal xalay ka sameeyeen deegaanka Jambaluul oo hoos taga degmada Afgooye kusoo qabteen sargaalka katirsanaa Al Shabaab.
Wakaalada Sonna ayaan shaacin magaca sargaalkan ciidamada amaanka gacanta kusoo dhigeen, waxa ayna Wakaaladu ku warantay in sargaalka laga soo qabtay guri uu ku dhuumanayay.
Dowlada Soomaaliya ayaa marar badan Warbaahinta ku faafisay in ay qabatay saraakiil iyo dagaalyahano katirsan Al Shabaab, xubnahaasi la sheegay in la qabtay ayaan magacooda iyo Sawiradooda loo soo bandhigin Warbaahinta .
