Allbanaadir.com
NEWSWORLD NEWS

Gantaal waxyeelo u geystay dad Yuhuud ah oo oo ku dhacay Magaalada Tel-aviv

Ciidamada Israel ayaa kooxda Xamas ku eedeeyey inay soo ridday gantaal ku dhacay guri ku yaalla waqooyiga magaalada Tel Aviv, kaasoo dhaawacay 7 qof, waxayna ku dhawaaqeen inay ciidamo xoojin ah u dirayaan hareeraha Gaza.

Milatariga ayaa qoraal ay soo dhigeen twitter-ka, waxay ku sheegeen in gantaalka laga soo tuuray degaanka Rafah ee Marinka Gaza.

Waxay sheegeen in laba guuto oo ciidamo dheeraad ah ay u dirayaan Gaza, sida uu sheegay afhayeenka ciidamada Isarel, Ronen Manelis.

Arrintan ayaa dib usoo cusbooneysiisay cabsida laga qabo dagaal milatari oo ka dhex qarxa labada dhinac, maalmo un ka hor doorashada Israel ee dhaceysa 9-ka bisha April.

Ra’iisul wasaaraha Israel, Benjamin Netanyahu ayaa ku dhowaaqay inuu soo gaabinayo socdaal uu ku joogo Mareykanka, si uu dalkiisa ugu laabto sababo la xiriira xaaladda amni.

Netanyahu ayaa sheegay inuu laaban doono kadib marka uu maanta la kulmo madaxweyne Donald Trump, wuxuuna baajiyey ka qeyb galka shir sanadeedka kooxda Israel taageerta ee AIPAC oo dhaca talaadada.

Xafiiska Shabakada Allbanaadir.com
Muqdisho-Somalia

Allbanaadir@live.com

Related posts

Kulamo Xasaasi ah oo ka socda degmada Maxaas iyo Wararkii Ugu Dambeeyay

Cabdi Cade

Maxaa kasoo kordhay kiiska Axmed Rashiid oo mar kale la soo taagay Maxkamad?

Caydiid Ali

(Sawirro) Deni & danjire C/fitaax C/hi Xasan oo shir jaraa’id ku qabtay Madaxtooyada Puntland

Caydiid Ali
Taboola Ads ---