Waxaa goordhaw qarax labaad uu ka dhacay agagaarka Isgooska Jubba ee magaalada Muqdisho, waxaana aagaasi laga maqlay rasaas xoogan oon la ogeyn wali cida rideysa.
Sida aan Wararka ku helnay qaraxa koobaad ayaa lagu weeraray xarunta Wasaarada Shaqada iyo Shaqaalaha dowlada Soomaaliya oo kutaala degmada Shangaani una dhaw Isgooska Jubba.
Rasaas ayaana laga maqlayaa halka ay qaraxyadu ka dhaceen, lamana oga wali in rasaastaasi ay tahay mid la is dhaafsanayo iyo mid kale, waxaan sidoo kale la ogeyn in rag hubeesan ay goobta galeen.
Qaraxa labaad ee goobta ka dhacay ayaa loo maleenayaa in uu ka dhashay gaari waxyaabaha qarxa isna laga soo buuxiyay oo ku qarxay meel aan ka fogeyn halka qaraxuu hore uu ka dhaca.
Goobta ay qaraxyadu ka dhaceen ayaa waxaa kuyaala Wasaaradaha Shaqada iyo Shaqaalaha iyo Wasaarada Howlaha guud ee Xukuumada Soomaaliya, waxaa sidoo kale halkaasi kuyaala talis ay leeyihiin ciidanka booliiska.
Ciidamada amaanka ayaa buux dhaafiyay goobta ay qaraxyada ka dhaceen, waxa ayna ciidamada xireen gabi ahaan wadooyinka soo gala iyo kuwa ka baxa halka uu weerarku ka socdo.
Waxii Warar ah ee kusoo kordha kala soco Wararkaaga dambe Insha Allah
Xafiiska Shabakada Allbanaadir.com
Muqdisho-Somalia
Allbanaadir@live.com
