Waxaa goordhaw qarax aad u xoogan oo jugtiisa laga maqlay qeybo badan oo kamid ah magaalada Muqdisho uu ka dhacay agagaarka Isgooska Jubba.
Qaraxa ayaa loo maleenayaa in uu yahay gaari waxyaabaha qarxa laga soo buuxiyay, waxaana goobta qaraxu ka dhacay laga arkayaa uuro iyo qaac ka baxaya.
Isgooska Jubba ayaana waxaa kuyaala bar ay ciidamada booliiska gaadiidka ku baaraan, waxaana warar horu dhac ah oo soo baxaya sheegayaan in goobtaasi qaraxa lagu weeraray.
Ciidamada amaanka ayaa si deg deg ah u xiray goobta uu qaraxu ka dhacay iyo wadooyinka soo gala, waxaa sidoo kale goobtaasi gaaraya gaadiidka gurmadka deg dega ee loo yaqaan Ampalaasta.
Waxii Warar ah ee kusoo kordha kala soco Wararkayaga dambe Insha Allah
Xafiiska Shabakada Allbanaadir.com
Muqdisho-Somalia
Allbanaadir@live.com
