Dadka ku dhintay weerarkii hubeysanaa ee maanta lagu qaaday magaalada Utrecht ee dalka Holland ayaa sii kordhay waxayna tiradoodu gaartay 3 dhimasho ah iyo 9 dhaawac ah, iyadoo 3 ka mida dadka dhaawaca ah ay xaaladoodu liidato.
Ninka falkan geystay ayaa la aqoonsaday markii muuqaalkiisa laga helay kaamerada CCTV ee goobta falku ka dhacay, waxaana lagu magacaabaa Gökmen Tanis, waana 37 sano jira u dhashay dalka Turkiga oo dalka Holland ku noolaa.
Boolis si weyn u hubeysan oo ah ciidamada gaarka ah ee la-dagaalanka argagixisiada ayaa isku wareejiyey guri la sheegay inuu ninkaasi ku jiro, waxaana muuqaalkiisa baahiyay warbaahinta Holland.
Xafiiska Shabakada Allbanaadir.com
Muqdisho-Somalia
Allbanaadir@live.com
