Allbanaadir.com
NEWSSOMALILAND

Howlihii dekeda Berbera ee Somaliland oo joogsaday & sababta ka dambeysa

Dekedda magaalada Berbera ee Somaliland ayaan maanta wax shaqo ah ka socon kadib markii ganacsatadii wax kala soo degi jiray ay joojiyeen.

Ganacsatada ayaa la sheegay inay ka cabanayaan lacago cusub oo ay ku kordhisay shirkadda DP World ee maamusha dekeddaasi taasoo ay sheegeen ineysan bixin karin.

Maamulka dekeda ayaan weli ka hadlin weli cabashada ganacsatada, lamana oga inta uu socon doono hakadka ku yimid shaqadii dejinta iyo dhoofinta ee ka socday dekeda,

Dhinaca kale, waxaa soo baxaya warar sheegaya in shirkadda DP World ay shaqaalaheeda kala baxayso dekedaha Berbera iyo Boosaaso arrima la xiriira dhinaca amniga sida laga soo xigtay mas’uul u hadlay shirkadda.

Magaalada Boosaaso ayaa 4tii bishii Febraayo ee sanadkan ayaa waxaa lagu dilay madaxii shirkadda P&O Ports Paul Anthony Formosa, waxaana masuuliyada dilkaas sheegatay kooxda Al-shabaab.

Xafiiska Shabakada Allbanaadir.com
Muqdisho-Somalia

Allbanaadir@live.com

Related posts

Diyaarad Dagaal oo lagu qiimeeyay lacag dhan 36-Milyan Dollar oo bur burtay

Cabdi Cade

Tirada Askarta looga dilay Israa’iil duullaanka Lubnaan oo la shaaciyay

Cabdi Cade

Cali Yare oo si adag uga hadlay cida maanta u diiday in uu ka dhoofo Garoonka Muqdisho

Cabdi Cade
Taboola Ads ---