Waxaa goordhaw garoonka diyaaradaha Aadan Cadde ee magaalada Muqdisho kasoo degay wafdi uu hogaaminayo Madaxweynaha dowlada aan dariska nahay ee Jabuuti Mudane Ismaaciil Cumar Gellee.
Wafdiga Madaxweynaha Jabuuti waxaa garoonka Diyaaradaha Aadan Cadde kusoo dhaweeyay Madaxweynaha Soomaaliya Maxamed Cabdulaahi Farmaajo iyo masuuliyiin kale oo katirsan dowlada.
Ciidanka baambeeda Soomaaliya ayaa garaacay astaanta labada dal ee Jabuuti iyo Soomaaliya, waxa uu sidoo kale Madaxweynaha Jabuuti salana sharaf ka qaatay ciidanka Soomaaliya.
Madaxweynaha dalka Jabuuti ayaa la filayaa in soo dhaweynta kadib loo galbiyo dhismaha cusub ee Safaarada dowlada Jabuuti ka dhisatay magaalada Muqdisho, waxaana Madaxweyne Geelle goordhaw si rasmi ah xariga uga jari doonaa Safaarada cusub.
Ismaaciil Cumar Geelle ayaa inta uu Muqdisho jooga la kulmi doona Madaxweynaha dowlada Federaalka Soomaaliya Maxamed Cabdulaahi Farmaajo, labada Madaxweyne ayaana la filayaa in ay kawada hadlaan xiriirka labada dal iyo sidii loo xoojin lahaa .
Xafiiska Shabakada Allbanaadir.com
Muqdisho-Somalia
Allbanaadir@live.com
