Ugu yaraan Soomaali ah oo uu ku jiro wiil yar ayaa la sheegay iney ka mid noqdeen dad gaaraya 49 qof oo saaka lagu laayey labo masaajid oo ku yaalla magaalada Christchurch ee dalka New Zealand.
Nin hubeysan ayaa rasaas ooda kaga qaaday dad fara badan oo salaada Jimcaha ku tukanayey labo masaajid oo halkaas ku yaalla, waxaana weerarkan ku dhaawacmay dad kale oo aad u fara badan.
Dadka Soomaalida ah ee illaa hadda la ogyahay iney ku dhinteen weerarkan ayaa magacyadooda lagu kala sheegay Shiikh Nuur Muuse Cawaale oo ahaa Macalin dugsi Qur’aan, nin magaciisa lagu soo koobay Shiikh C/qaadir oo ka tirsanaan jiray shaqaalihii Wakaaladdii Biyaha Xamar, iyo Wiil 6-sano jir ah oo lagu magacaabi jiray C/llaahi Aadan Diiriye kaasoo la socday aabihiis oo weerarkan ka badbaaday.
Soomaalidan ayaa ka mid ahaa waxay ka mid ahaayeen dadka ku dukanayay masaajidada weeraradu ka dhaceen, waxaana geerida dadkan xaqiijiyey qaar ka mid ah Soomaalida ku nool dalkaas.
SAWIRRKA: Aabe Aadan Diiriye oo wada meydka wiilkiisa 6 sano jirka ah
Xafiiska Shabakada Allbanaadir.com
Muqdisho-Somalia
Allbanaadir@live.com
