Warar lagu kalsoonaan karo oon helnay ayaa sheegaya in Dowlada Soomaaliya bilowday in baaritaano deg deg ah lagu sameeyo ragii fuliyay weerarkii habeen kahor ka dhacay agagaarka Madaxtooyada Soomaaliya.
Saraakiisha booliiska iyo Nabad sugida ayaa lagu amray in ay baaraan sida raga hubeesan ku heleen dareeska ciidanka booliiska oo ah mid u gaar ahaa cutubyo katirsan booliiska oo dhoor bil kahor loo qeybiyay.
Warar soo baxaya ayaa sheegaya in raga hubeesan ay wateen fooneeyo ay kuwada xariirayeen, waxaana fooneeyaasha qaar la sheegay in laga maqlayay calaamado u gaar ah booliiska iskuna aqoonsadaan.
Wasiirka Amniga gudaha Soomaaliya ayaa la filayaa in kulan la qaato Taliyaha cusub ee ciidanka booliiska iyo Saraakiil katirsan booliiska, waxaana kulankan looga hadli doonaa weerarkii habeen kahor ka dhacay Muqdisho.
Sida aan xogta ku heleyno saraakiil Soomaali iyo ajaaniib ayaa baaraya sida uu u dhacay weerarkii habeen hore ka dhacay Muqdisho, iyo sida raga hubeesan dareeska booliisaka iyo fooneeyaasha ku heleen.
Al Shabaab ayaa sheegatay masuuliyada qaraxyo iyo weeraro habeen kahor ka dhacay magaalada Muqdisho, waxaana ku dhintay weeraradan dad ka badan 30-qof oo u badnaa dad shacab ah.
Xafiiska Shabakada Allbanaadir.com
Muqdisho Somalia
Allbanaadir@live.com
