Taliska ciidamada Mareykanka ee Afrika ayaa beeniyay hadal ka soo baxay Al-shabaab oo sheegayay in askari ka tirsan ciidamada Mareykanka ay ku dileen weerar xalay ka dhacay Gobolka Sh/hoose.
War-saxafaadeed ka soo baxay AFRICOM ayaa lagu sheegay in ciidamada Mareykanka ay garab siiyeen ciidamada dowladda Soomaaliya oo weerar uu kaga yimid Alshabaab degaanka Daarusalaam ee Gobolka Sh/hoose.
Maraykanka ayaa sheegay in weerarkaasi lagu dilay 8 ka mida dagaalamayaasha Al-shabaab, mana jirin ayaa lagu yiri wax dhibaato ah oo ciidamada Maraykanka ka soo gaaray howlgalkan.
Dhinaca kale masuuliyiinta gobolka Sh/hoose ayaa sheegay in weerarkii xalay ka dhacay degaanka Daarul salaam ay ku geeriyootay haweeney ka tirsaneyd dadka degaanka, dhowr kale oo shacab ahna ku dhaawacmeen.
Xafiiska Shabakada Allbanaadir.com
Muqdisho-Somalia
Allbanaadir@live.com
