Dowlada Shiinaha ayaa goor dhow shaacisay iney joojisay illaa amar dambe isticmaalka dayuuradaha rakaabka ee Boeing 737 Max-8 ka dib markii Diyaarad la nooc aheyd oo lahayd Itoobiya ay shalay burburtay.
Wakaladda Duullimaadyada dalka Shiinaha ayaa shirkadaha caalamka u sheegtay iney diyaaradahaasi duullimaad ku iman Karin dalkeeda laga billaabo maanta.
Lixdi bilood ee la soo dhaafay waa shilki diyaaradeed ee labaad ee ku yimaadda diyaaradda boeing uu noocedu yahay 737 Max 8.
Khubarada duullimaadka ee ku howlan baaritaanka shilkan waxa sbabay waxay sheegeen iney wakhti qaadaneyso in la ogaado sababta shilka uu ka dhashay.
Bishii October ee sanadkii hore diyaarad noocan ah oo ay lahayd shirkadda diyaaradaha ee Lion oo burburtay waxaa ku dhintay 189 qof.
Shirkadda diyaaradaha Itoobiya waxay leedahay 5 diyaaradood oo nooca Boeing 737 Max-8 dhammaantood shaqada laga joojiyey ka dib markii shaki laga muujiyey bad-qabka dayuuradaahaas.
Dhinaca kale, Baaritaan xoog leh ayaa ka socda goobtii ay ku burburtay dayuuradii Ethiopian Airlines ee duleedka magaalada Addis ababa si loo helo sanduuqa madow ee dayuuradaas oo laga heli karo xog horseedeysa sababta keentay shilka.
Xafiiska Shabakada Allbanaadir.com
Muqdisho-Somalia
Allbanaadir@live.com
