Waxaa caawa qarax aad u xoogan oo ismiidaamin ah uu ka dhacay Laamiga Maka Al Mukarama ee magaalada Muqdisho gaar ahaan goobo ay kuyaalaan Hoteelo iyo xarumo kale oo ganacsi.
Qaraxa oon wali la ogeyn gaariga loo adeegsaday nuuca uu yahay ayaa ka dhacay meel aad ugu dhaw Hotelka Maka Al Mukarama , waxa uuna qaraxan khasaaro xoogan gaarsiiyay Hotelka Maka Al Mukarama, hoteelo kale oo ku dhaw iyo dhismayaal badan.
Ciidamada amaanka dowlada Soomaaliya ayaa gabi ahaan xiray aaga uu qaraxu ka dhacay, waxaana halkaasi ka socda gurmad xoogan oo loo sameenayo dadka ay waxyeelada kasoo gaartay qaraxyadan oo laga maqlay Muqdisho iyo banaankeeda.
Goobo ganacsi iyo dhismayaal kuyaala agagaarka Hotelka Maka Al Mukarama iyo baabuur laamiga mareysay ayaa wali halkaasi ku gubaneysa, waxaana goobtaasi laga qaaday dhaawacyo badan iyo sidoo kale dad dhintay.
Khasaaraha dhimasho iyo midka dhaawac ee qaraxan ka dhashay ayaan wali si rasmi ah loo ogeyn, waxaana Wariye goobta qaraxu ka dhacay tagay noo sheegay in musiibo xoogan goobtaasi ka dhacday muuqaalka goobatana aan indhaha loo dhameyn karin.
Laamiga Maka Al Mukarama uu caawa qaraxu ka dhacay gaar ahaan goobta uu ka dhacay ayaa xiliyada habeenkii ah goob mashquul badan, waxaana halkaasi kuyaala goobo ganacsi, maqaayado iyo goobo kale ee dadku isugu yimaadaan .
Waxii Warar ah ee kusoo kordha kala soco Wararkayaga dambe Insha Allah
Xafiiska Shabakada Allbanaadir.com
Muqdisho-Somalia
Allbanaadir@live.com
