Wasiirka Arrimaha dibadda ee dowlada Iran Mohammad Javad Zarif ayaa si lama filaan ah shaaca uga qaaday in uu xilka iska casilay ,kadib qoraal kooban uu soo dhigay barta uu ku leeyahay Instagram-ka.
Qoraalka uu soo dhigay Wasiirka Arimaha dibadda Iran barta Instagram-ka ayuu kaga cudur daartay in uu shaqada ka tago, waxa uuna cadeeyay in uusan awoodin in uu shaqadiisa sii wato.
Wakaalada Wararka u faafisa dowlada Iran ee lagu magacaabo Irna ayaa iyada oo soo xiganeysa Afhayeenka Wasaarada Arimaha dibada xaqiijisay is casilaada Wasiirkii Arimaha Dibadda Iran.
Mohammad Javad Zarif ayaa ahaa 59 jirkan ayaa wax ku soo bartay Maraykanka wuxuuna shahaadada jaamacadda ugu sarraysa ee PhD ka haystaa shuruucda caalamiga ah oo uu ka qaatay Jaamacadda Denver.
Wasiirkan is casilay ayaa intii uu xilka hayay soo qabtay shaqooyin waa weyn ay qeyb ka aheyd heshiiskii taariikhiga ee Nukliyeerka laga gaaray sanadkii 2015-kii, heshiiskan ayaana dhax maray dowlada Iran iyo qaar kamid ah wadamada caalamka awooda ku leh
Xafiiska Shabakada Allbanaadir.com
Muqdisho Somalia
Allbanaadir@live.com
