Askari ka tirsanaa ciidamada dowlada iyo qof shacab ah ayaa wax yar ka hor salaada maqrib lagu dilay magaalada Belad-weyne ee gobolka Hiiraan.
Weerarkan ayaa ka dhacay xaafada howlwadaag ee galbeedka magaalada Belad-weyne, waxaana ka dambeeyey rag bastoolaado ku hubeysan sida ay wararku nagu soo gaarayaan.
Lama garanayo sababta loo dilay qofka shacab ahaa balse waxaa malaynayaa iney u gudbeen rasaastii askariga lagu furay, maadaama uu ku sugnaa meel aan ka fogeyn.
Ciidamada amaanka magaalada Belad-weyne oo goobta gaaray ayaa qaaday meydadka askariga iyo qofka shacabka ah ee lala dilay, waxayna sidoo kale halkaas ka wadaan howlgalo lagu baadi goobayo sidii loo soo qaban lahaa dableyda dilalka geysatay oo ka baxsaday goobta.
Xafiiska Shabakada Allbanaadir.com
Muqdisho Somalia
Allbanaadir@live.com
