Kooxo hubeysan ayaa goor dhow dil ka geysatay xaafada Siigaale oo ka tirsan degmada Hodan ee magaalada Muqdisho.
Dilka ayaa waxaa fuliyey dabley wadatay Mooto oo toogasho ku dilay wiil dhalinyarro ah oo ka tirsanaa dadka degaanka sida wararku sheegayaan.
Goob joogayaal ayaa warbaahinta u sheegay in ninka la dilay oo lagu magacaabi jiray Maxamed Mursal uu ka tirsana masuuliyiinta xafiiska Xeer ilaalinta dowladda Soomaaliya, isagoo u geeriyooday rasaastii lagu furay.
Falka kadib waxaa goobta gaaray ciidamada Amniga oo baaritaan ka sameeyay halkaasi, iyagoo baadi goobaya raggii dilka fuliyey oo goor hore baxsaday.
Dilalka loo geysto shaqaalaha, ciidamada iyo dadka kale ee la shaqeeya dowlada ayaa had iyo jeer ka dhaca magaalada Muqdisho, Al-shabaab ayaana intooda sheegata iney masuul ka aheyd, inta badana laguma guuleysto dableyda fulisa.
Xafiiska Shabakada Allbanaadir.com
Muqdisho Somalia
Allbanaadir@live.com
