Warar lagu kalsoonaan karo oon helnay ayaa sheegaya in Ra’isul Wasaaraha dalka Itoobiya Abiy Ahmed uu kulansiinayo Madaxweynaha dowlada Federaalka Soomaaliya Maxamed Cabdulaahi Farmaajo iyo Madaxweynaha maamulka Soomaaliland Muuse Biixi.
Madaxweyne Farmaajo oo caawa gaaray dalka Jabuuti ayaa lagu wadaa in beri uga sii gudbo magaalada Adis Ababa, waxaa sidoo kale beri magaaladaasi ku wajahan Madaxweynaha maamulka Soomaaliland Muuse Biixi.,
Ra’iul Wasaaraha Itoobiya Abiy Ahmed ayaa lagu soo waramayaa in Madaxweyne Farmaajo iyo Madaxweynaha Soomaaliya ku casuumay Adis Ababa, waxa uuna Abiy doonayaa in markii ugu horeesay is hor fariisiyo Farmaajo iyo Muuse Biixi oon horey u kulmim.
Ajandaha kulanka la filayo in Adis Ababa ku yeeshaan Farmaajo iyo Muuse Biixi ayaan wali la ogeyn, waxaana labada dhinac wadahadlo ugu dambeysay sanadkii 2015-kii xiligaa oo talada labada dhinac kala hayeen Xasan Sheekh iyo Axmed Siilaanyo
Madaxtooyada Soomaaliya iyo mida maamulka Soomaaliland ayaan wali wax war ah kasoo saarin safarka labada masuul ku tagayaan magaalada Adis Ababa iyo kulanka la filayo in markii ugu horeesay fool ka fool ku yeeshaan
Xafiiska Shabakada Allbanaadir.com
Muqdisho Somalia
Allbanaadir@live.com
