Dab khasaaro geystay ayaa ka kacay xalay saqdii dhexe Suuqa Daryeel oo ku yaalla degmada Heliwaa ee Gobolka Banaadir.
Dadka degaanka ayaa waxay sheegeen in dabkan uu ka dhashay koronto uuna geystay khasaaro badan oo hantiyadeed.
“Koronto ayuu ka bilowday dabka xalay ilaa saaka waa la deminaayay saacado badan socday dukaaman badan ayuu khasaaro u geystay waxaa la waayay” ayuu yiri mid ka mid ah dadka degaanka oo saxaafada la hadlayey.
Saaka aroortii ayaa lagu guuleystay daminta Dabkan oo saameeyey dukaamo iyo goobo kale oo ganacsi, waxaana xalay oo dhan suuqaas ku sugnaa ganacsatada ka shaqeysta oo isku dayaayey iney hantidooda ka badbaadsadaan.
Masuuliyiin ka tirsan maamulka degmada Heliwaa iyo ciidamada amaanka ayaana suuqaas gaaray, welina tirakoob sax ah lagama hayo hantida dabkan uu basbeeliyey.
Xafiiska Shabakada Allbanaadir.com
Muqdisho Somalia
Allbanaadir@live.com
