War ka soo baxay Ciidamada PSF-ta Puntland ayey ku sheegeen iney fashiliyeen weerar Al-shabaab ay damacsaneyd iney ka fuliso gobolka Bari degaano ka mid ah.
Weerarada Al-shabaab ayey ciidamada PSF-tu sheegeen iney ku wajahnaayeen goobaha ay joogaan ciidamada maamulka Puntland.
“Ciidamada Amniga Puntland PSF ayaa fuliyey hawlgallo ay kaga hortagayaan argagixisada ku dhuumaalaysta Buuraha Cal-madow, gaar ahaan Buuraleyda Warbad iyo Gebidheer, kuwaasoo damacsanaa inay soo weeraraan goobaha ay ciidamada Puntland kaga sugan yihiin Buuraha Cal Madow” ayaa lagu yiri qoraalka ka soo baxay ciidamada PSF-ta.
Faahfaahin lagama bixin qaabka looga hortagay weerarkan iyo haddii uu jiray iska horimaad dhacay intii uu socday howlgalkan
Xafiiska Shabakada Allbanaadir.com
Muqdisho Somalia
Allbanaadir@live.com
