Askari katirsan ciidanka dowlada Soomaaliya ayaa maanta dil argagax waxa uu xaafad katirsan degmada Yaqshiid ugu geestay hooyo Soomaaliyeed, kadib muran la sheegay in uu dhax maray.
Goobjoogayaal ayaa ku waramay in askariga dilka geestay iyo gabadha uu dilay uu muran dhax maray kadib markii uu xabad korkeeda ka riday, waxaana muranka markii dambe sababay in gabadha uu Madax xabad kaga dhufto askariga.
Hooyada la dilay oo heesatay caruur yar yar ayaa magaceeda lagu sheegay Fardowso Abuukar Maxamed , waxaana meydkeeda la geeyay xarunta Dambi baarista CID-da si baaritaano loogu sameeyo.
Askariga dilkan argagaxa leh geestay ayaa la sheegay in uu goobta ka baxsaday, ciidamada booliiska Soomaaliya ayaa wada baadi goob ay ugu jiraan gacan ku dhiiglahan nolosheeda u aqoonsaday hooyadan Soomaaliyeed.
Dilkan maanta ka dhacay degmada Yaqshiid ayaa aheyd mid si weyn looga argagaxay, waxaana dilalka nuucan ah ay ciidanka dowlada u geestaan shacabka aan hubeesneyn ay noqdeyn kuwa soo badanaya.
Xafiiska Shabakada Allbanaadir.com
Muqdisho Somalia
Allbanaadir@live.com
