Ra’isul Wasaaraha Xukuumada Federaalka Soomaaliya Xasan Cali Kheyre ayaa kulan xog wareysi ah la qaatay qaar kamid ah ganacsatada kunool magaalada Muqdisho.
Xasan Cali Kheyre ayaa ganacsatada kala hadlay muhiimmadda u diyaar garoowga sidii ay ula jaan qaadi lahaayeen maalgashiga shirkadaha caalamiga ah ee dalka ku soo wajahan, kadib xaqiijinta himilooyinka Tubta Hurumarinta Dhaqaalaha.
”Ganacsatadeennu waxa ay ku soo shaqeeyeen xilli adag, sidaa darteed waxaa mas’uuliyadi naga saaran tahay ilaalinta ganacsigooda. Xukuumaddu waxa ay diyaarineysaa dhammaan sharciyada damaanad qaadaya hor-tebinta shirkadaha waddaniga ah” ayuu yiri Kheyre.
Ra’isul Wasaaraha Xukuumada Soomaaliya ayaa inta badan kulamo kala duwan la qaata bulshada qeybaheeda kala duwan, waxa ayna kulamada yihiin kuwa uu ugu kuur galayo wax ka ogoonshaha xaaladaha jira.
Xafiiska Shabakada Allbanaadir.com
Muqdisho Somalia
Allbanaadir@live.com
