Ugu yaraan 24 xubnood oo ka tirsanaa Al-Shabaab ayaa lagu dilay duqeyn xagga Cirka ah oo uu howl-galka Ciidanka Maraykanka Afrika ka geystay Gobolka Hiiraan.
Qoraal ka soo baxay howlgalka AFRICOM ayaa lagu sheegay in duqeyntu ay ka dhacday saldhig ay Al-Shabaab ku lahaayeen degaanka Shabeelley oo qiyaastii 22-km Koonfur Galbeed ka xigta Magaalada Balad-weyne.
Ma jiraan wax dhimasho iyo dhaawac ah oo duqeynta ka soo gaaray dadka Rayidka ah ee ku nool goobaha la weeraray, sida lagu sheegay warka kasoo baxay AFRICOM.
Agaasimaha howlgallada Afrika, Gen. Gregg Olson ayaa sheegay inay wada shaqayn dhow leeyihiin Ciidanka xoogga Dalka Soomaaliyeed iyo saaxiibbadooda caalamka, si ay loo dhowro shacabka.
Wuxuu sheegay agaasimuhu, in taxadarku uu yahay qeyb ka mid ah istaraatiijiyadda ay ku duulayaan, weerarrada ka dhanka ah xag-jiriintuna ay sii wadi doonaan, iyagoo kaashanaya saaxiibbadooda bahwadaagta la ah.
Xafiiska Shabakada Allbanaadir.com
Muqdisho Somalia
Allbanaadir@live.com
