Askari la sheegay inuu ka tirsanaa ciidanka milateriga dowlada Soomaaliya ayaa saaka lagu dilay degmada Xamar-weyne ee magaalada Muqdisho.
Dabley bastoolado ku hubeysan ayaa la sheegay iney rasaas ku fureen askarigan oo ku sugnaa agagaarka Suuqa Bacadlaha oo ku dhow Ceelgaabta.
Ragga wax dilay ayaa goobta ka baxsaday sida ay sheegeen dad goob joogayaal ah oo xiligi la dilayey halkaas ku dhowaa.
Ciidamada amaanka dowlada Somalia ayaa sida caadada ah wax yar ka dib gaaray goobtaas, iyagoo qaaday meydka askariga la dilay, waxayna halkaas ka sameeyeen howlgalo, lamana oga iney dad u soo xireen dilkan.
Dilalka lala beegsado askarta iyo dadka kale ee dowlada u shaqeeya ayaa sanadahan ka mid ahaa nolol maalmeedka dadka Muqdisho, waxaana dilalkan masuuliyadooda sheegata inta badan kooxda Al-shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
