Maxkamad ku taala Magaalada Wajeer ee Gobolka Waqooyi Bari Dalka Kenya ayaa maanta xukun adag oo xabsi ah ku riday sadex nin oo ajnabi ah oo la sheegay in ay doonayeen in Al Shabaab ku biiraan.
Maxkamad ayaa min 15-sano oo xabsi ah ku riday Mbarouk Ali Adibu oo 34 jir ah, Idarous Abdirahman oo 32 jir ah iyo Islahi Juma, oo 22 jir ah, ragan xukunka lagu riday ayaana kasoo jeeda dalka Tanzaaniya.
Ragan ajaaniibta ah ee xukunka adag lagu riday ayaa sanadkii hore laga qabtay xadka Soomaaliya iyo Kenya wadaagaan xili la sheegay in ay doonayeen in ay usoo gudbaan Soomaaliya kuna biiran Al Shabaab.
Dowlada Kenya ayaa marar badan xirtay dad ajaaniib ah oo kasoo talaabayay xadka dalkaasi la wadaago Soomaaliya, waxaana dadkaasi lagu eedeeyay in ay doonayeen in Al Shabaab ku biiraan.
Xafiiska Shabakada Allbanaadir.com
Muqdisho Somalia
Allbanaadir@live.com
