Dagaal uu dhexeeya kooxaha Al-Shabaab iyo Daacish ayaa manta ka dhacay deegaanka Ceelka Miraale oo qiyaastii 70Km u jira Boosaaso.
Dadka degaanka ayaa warbaahinta u sheegay in ay maqlayeen dhawaaqa rasaas socotay muddo saacado ah, oo labada dhinac ay is-waydaarsanayeen.
Dadka degaanka ayaa sidoo kale sheegay inay Al-Shabaab ku amreen inay ka guuraan dhulka wadooyinka ah, markii ay tageen agagaarka Ceelka Miraale.
Ma jiraan wax faah-faahinno ah oo intaas dheer oo laga helay dagaalka iyo khasaaraha ka dhashay .
Bartamihii bishii December ee sanadkii 2018, ayey ahayd markii Al-Shabaab iyo Daacish uu dagaal ku dhex-maray meel aan ka fogayn dhulkan buuralayda gobolka Bari ah ee maanta uu dagaalku ka dhacay.
Afhayeenka Al-shabaab Shiikh Cali Dheere ayaa dhowaan shaaciyey dagaal ka dhan kooxda Daacish oo uu ku eedeeyey iney carqalad ku tahay dagaalka ay kooxdiisu ka wado Geeska Afrika.
Maamulka Puntland ayaan weli ka hadlin dagaaladan la sheegay in ay u dhexeeya Al-Shabaab iyo Daacish. Sidoo kale, Daacish iyo Al-Shabaab ayaan ka hadlin dagaalka.
Xafiiska Shabakada Allbanaadir.com
Muqdisho Somalia
Allbanaadir@live.com
