Ciidamada Milatariga Turiga ee howlgalka kawada Waqooyiga Siiriya gaar ahaan gobolka Afrin ayaa shalay dagaal xoogan la galay dagaalyahano aad u hubeesan oo katirsan Jabhada Kurdiyiinta .
Dagaalka shalay dhax maray Milatariga Turkiga iyo Jabhada Kurdiyiinta ayaa waxaa ka dhashay khasaaro xoogan oo labada dhinac soo gaaray, waxaana dagaalkaasi uu ka dhacay goobo kala duwan.
War kasoo baxay Milatariga Turkiga ayaa lagu sheegay in dagaalkii shalay looga dilay 8-askari halka tiro kalana looga dhaawacay, waxa ayna dhankooda sheegeen in dagaalyahano badan ka dileen Kooxda Kurdiyiinta.
Tirada ciidamada Milatariga Turkiga looga dilay guud ahaan dagaalka ay kula jiraan jabhada Kurdiyiinta ee ku sugan Waqooyiga Siiriya ayaa gaaraya 15-askar, waxaana askarta qaarkood lagu dilay qaraxyo ismiidaamin ah.
Xafiiska Shabakada Allbanaadir.com
Muqdisho Somalia
Allbanaadir@live.com
