Nin hubaysan gaari uu watay rasaas kaga soo furay dad marayay wadada hareeraheeda magaalada Macerata ee bartamaha waddanka Talyaaniga
Toogashadan oo lagu dhaawacay illaa shan qof ayaa waxa ay ka dhacday qeybo kala gadisan oo ka tirsan magaalada, oo ay ka mid tahay meel u dhaw xarunta tareennada laga raaco.
Maayorka magaalada ayaa fariin uu soo dhigay barta Twitterka waxa uu dadka uga digay in aanay guryaha ka soo bixin weerarka dhacay awgiis, kaasoo la rumaysan yahay inuu sii soconayo.
TV-ga Qaranka ee RAI ayaa sheegaya in dadka la weerraray ay yihiin dad muhaajiriin ah.
Rasaas ayaa laga maqlayay xaafadaha Via Splato iyo Via dei Velini ee magaalada, halkaasoo uu ka socday baaritaan ku aaddan dilka gabar 18 jir ah oo maydkeeda Arbacadii laga helay xaafadahaas.
Waxaa dilka gabadha loo soo xiray nin waddanka Nigeria u dhashay, iyadoo wararka gudaha laga helayo ay isku xiriirinayaan labada dhacdo.
Booliska ayaa wada baaritaano xoogan, waxaana loo malaynayaa in weeraradan ay salka ku hayaan jinsi naceyb.
Xafiiska Shabakada Allbanaadir.com
Muqdisho Somalia
Allbanaadir@live.com
