Waxaa ugu dambeyn lagu lagu guuleystay in la demiyo dab ka kacay goobo ganacsi oo ku yaalla inta u dhaxeysa Isgoysyada Soobe iyo Banaadir ee Magaalada Muqdisho.
Goob joogayaal ayaa sheegaya in dabku uu markii hore ka bilowday kaalin shidaal oo halkaas ku taalla ka dibna uu ku fiday goobo kale oo ganacsi.
Dabka oo qiiqa ka baxayay laga arkayey degmooyin badan oo ka tirsan magaalada Muqdisho, waxaana halkaas gaaray gaadiidka dab demiska maamulka gobolka Banaadir oo dedaal badan ka dib ku guuleystay iney damiyaan.
Guddoomiyaha degmada Hodan C/kariin Dhega-juun oo gaaray goobta, waxaana uu sheegay iney qiimeynayaan khasaaraha uu geystay.
Waxaa uu intaas ku daray in dabka uu ka dhashay koronto, isla markaana uu baabi’iyay in ka badan todobo goobood oo ganacsi balse uusan geysan wax khasaaro nafeed ah.
Xafiiska Shabakada Allbanaadir.com
Muqdisho Somalia
Allbanaadir@live.com
