Wasiirka Amiga gudaha Xukuumada Soomaaliya Maxamed Abuukar Islow Ducaale oo booqasho ku jooga dalka Turkiga ayaa kulan gaar ah la qaatay Wasiirka Arimaha gudaha dowlada Turkiga Suleyman Soylu.
Kulanka labada Wasiir ayaa looga hadlay arimo muhiim ah ay kamid ahaayeen xoojinta xiriirka labada dal, iskaashiga iyo hubinta heshiisyadii hore u dhexmaray labada dowladood ee Soomaaliya iyo Turkiga.
Wasiirka Arimaha gudaha dowlada Turkiga Suleyman Soylu ayaa aqbalay casuumad uu u fidiyay Wasiirka AMniga Soomaaliya oo ku aadan in uu booqasho ku yimaado caasimada Soomaaliya ee Muqdisho.
Suleyman Soylu ayaa sheegay in dowladaha Soomaaliya iyo Turkiga uu ka dhaxeeyo xiriir aad u wanaagsan, waxa uuna sheegay in lasii xoojin doono xiriirka labada dal iyo taageerada Turkiga u fidiyo Soomaaliya.
Xafiiska Shabakada Allbanaadir.com
Muqdisho Somalia
Allbanaadir@live.com
