Wararka ka imaanaya magaalada Boosaaso ee xarunta gobolka Bari ayaa sheegaya in halkaasi lagu dhaawacay Wasiiru Dowlaha Dekadaha Maamulka Puntland Axmed Siciid Cabdi.
Sida aan wararka ku heleyno nin hubeesan ayaa rasaas ku furay Wasiirka xili uu marayay wado mashquul badan oo kutaala magaalada Boosaaso, waxaana wasiirka xiliga la dhaawacayay uu watay gaari.
Goob joogayaal ayaa ku waramay in Wasiirka lagu dhaawacay Boosaaso ay murmeen ninka rasaasta ku furay, lamana oga wali waxa uu ahaa ninka wasiirka ku dhaawacay magaalada Boosaaso.
Ciidamada amaanka maamulka Puntland ayaa gacanta ku dhigay xabsina u taxaabay ninka dhaawac u geestay Wasiiru Dowlaha Dekadaha Maamulka Puntland Axmed Siciid Cabdi.
Maamulka Puntland ayaan wali ka hadlin dhaawaca loo geestay Wasiirka katirsan maamulkooda, waxaana la filayaa saacadaha soo aadan in maamulka uu war kasoo saaro dhacdadan.
Xafiiska Shabakada Allbanaadir.com
Muqdisho Somalia
Allbanaadir@live.com
