Dowlada Kenya ayaa hawada ka saartay qaar kamid ah Telefishinada iyo idaacadaha dalkaasi ka howlgala kadib markii ay baahiyeen dhaarinta Hogaamiyaha Mucaaradka iyo kuxigeenkiisa oo maanta is caleemo saaraya
Telefishinada Citizen, NTV iyo kuwa kale ayaa hawada laga saaray kadib markii ay baahiyeen Munaasabad lagu dhaarinayo Hogaamiyaha Mucaaradka oo ka socota Fagaaraha Uhurru Park.
Dowlada Kenya ayaa horey ugu amartay Warbaahinta dalkaasi in aysan baahi karin Munaasabada dhaarinta Hogaamiyaha NASA Raila Odinga oo maanta ka socota magaalada Nairobi.
Warbaahintan hawada laga saaray ayaa ka biyo diiday in ay u hogaansamaan amarka dowlada, waxa ayna sheegeen in ay dhax dhaxaad ka yihiin Siyaasada ayna baahinayaan waxii warar ah ee bulshada u baahan yihiin.
Magaalada Nairobi waxaa hada ka socoto Munaasabad balaaran ay Madaxweyne iyo kuxigeen isugu caleemo saarayaan Mucaaradka Kenya, waxaana munaasabada ka qeyb galaya xubno badan oo kamid ah taageerayaasha Mucaaradka Kenya.
Xafiiska Shabakada Allbanaadir.com
Muqdisho Somalia
Allbanaadir@live.com
