Xildhibaanada golaha shacabka Soomaaliya oo maanta kulan xasaasi ah ku yeeshay magaalada Muqdisho ayaa meel mariyay Hindise Sharciyeedka wax ka badalka Hanti Dhowrka Guud ee Qaranka.
Xildhibaanada golaha shacabka ayaa dood kadib ansixiyay wax ka bedel lagu sameeyay hindise sharciyeedka hanti dhowrka guud ee Qaranka, waxaana waxkabadalka sharcigan ogolaaday 163 xildhibaan halka ay diideen 13-Xildhibaan.
Gudoomiyaha golaha Shacabka Maxamed Mursal Sheekh Cabdiraxmaan ayaa sheegay in sharcigan Xildhibaanada meel mariyeen, waxa uuna cadeeyay in dooda sharcigan halkaasi ku egtahay.
Wasiirka Maaliyadda C/raxmaan Ducaale Beyle ayaa uga mahad celiyay Xildhibaanada golaha shacabka meel marinta wax ka badalka lagu sameeyay sharciga Hanti Dhowraha, waxa uuna balan qaaday in sharcigan cusub la dhaqan galin doono.
Xafiiska Shabakada Allbanaadir.com
Muqdisho Somalia
Allbanaadir@live.com
