Madaxweynaha Maamulka Koonfur Galbeed Soomaaliya Shariif Xasan Sheekh Aadan ayaa dhagax dhigay Waddo dhererkeedu gaarayo 3-Km oo ka bilaabaneysa garoonka dayuuradaha Baydhabo, sidoo kalena ku eg Madaxtooyada Magaaladaasi.
Wasiirka Gaadiidka cirka iyo dhulka ee K/Galbeed C/llaahi Aadan Cali oo saxaafadda la hadlay ayaa sheegay in dhismaha wadadan ay gacan weyn ka geysanayso Wasaarada Maaliyadda dowladda Federaalka.
“Waxaan u mahadcelineynaa dowladda Federaalka oo gacan weyn ka geysatay dhismaha wadadan oo lacag fara badan ay ku baxeyso” ayuu yiri Wasiirka.
Madaxweynaha K/Galbeed Shariif Xasan Sheekh Aadan ayaa dhismaha wadadan ku sheegay iney tahay mid muhiimad weyn leh, isagoo tilmaamay in la sii wadi doono dib u dhiska ka socda degaanada Koonfur galbeed.
Dib u dhis ballaaran ayaa laga dareemayaa Magaalada Baydhabo ee xarunta gobolka Bay sanadahan dambe.
Xafiiska Shabakada Allbanaadir.com
Muqdisho Somalia
Allbanaadir@live.com
