Waxaa maanta lagu wadaa magaalada Jowhar ee xarunta maamulka Hirshabelle in lagu doorto Xildhibaan kamid noqonaya Aqalka Hoose ee Baarlamaanka Federaalka Soomaaliya.
Kursiga Xildhibaan ee maanta Jowhar lagu dooranayo ayaa waxaa horey u baneeyay Taliyihii hore ee Ciidanka Nabad sugida Qaranka Cabdullaahi Maxamed Cali Sanbaloolshe.
Waxaa ku tartamaya Kursigan Xildhibaan oo ah mid Beesha Xawaadle leedahay lix Musharax ay ku jiraan Madaxweynihii hore ee Hirshabelle Cali Cosoble iyo Maxamed Sanbaloolshe oo horey kursigan u baneeyay.
Halka doorashada ka dhaceyso waxaa ku sugan xubno kjamid ah Gudiga doorashooyinka Madaxa Banaan , waxaa sidoo kale la filayaa in goobtaasi tagaan Madax katirsan Hirshabelle.
Doorashadan oo ah mid aad u adag ayaa la saadaalinayaa in midkood kusoo bixi doono Madaxweynihii hore ee maamulka Hirshabelle Cali C/laahi Cosoble iyo Taliyihii hore NISA Cabdulaahi Sanbaloolshe.
Waxii Warar ah ee kusoo kordha Doorashadan kala soco Wararkayaga dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
