Saraakiisha Ciidamada amaanka Maamulka Puntland ee Magaalada Boosaaso ayaa soo bandhigay hub ay ku soo qabteen howlgalo ay ka fuliyeen xaafadaha Magaalada Boosaaso.
Hubka la soo qabtay ayaa isugu jiray Bambooyinka gacanta laga tuuro ee loo yaqaano F-1 iyo xabadaha loo isticmaalo hoobiyaha
Taliye ku xigeenka qeybta Booliska Gobolka Bari Axmed Jaraale oo saxaafadda qeybteed Boosaaso kula hadlay ayaa sheegay in howlgalada ay sameeyeen sidoo kale ku soo qabteen dad badan oo uu xusay in baaritaano ku socdaan lana tuhunsan yahay qaarkood.
Axmed Jaraale ayaa u mahad celiyey shacabka magaalada Boosaaso oo uu sheegay inay ka qeyb qaateen howlgalkii lagu soo qabtay hubkaasi.
Magaalada Boosaaso aya waxaa ka dhaca qaraxyo iyo dilal loo geysto ciidamada amaanka maamulka Puntland, waxaana masuuliyadooda sheegta inta badan Al-shabaab iyo koox daacish ka tirsan oo fariisimo ku leh dhulka buuraleyda ah ee hareeraha ka xiga Boosaaso.
Xafiiska Shabakada Allbanaadir.com
Muqdisho Somalia
Allbanaadir@live.com
