Dowlada Itoobiya ayaa cafis u fidisay in ka badan 2-kun oo maxaabiis ah kana soo jeeda Qowmiyada Oromada, maxaabiistan ayaana ahaa kuwa loo xiray dibad baxyadii iyo rabshadihii dalkaasi ka dhacay.
Inta badan Maxaabiistan cafiska loo fidiyay ayaa u badnaa dhalinyaro ka qeyb qaadatay dibad baxyadii rabshadaha watay ee dowlada looga soo horjeeday, waxaana dadka ku xirnaayeen ismaamulka Oromada Itoobiya.
Teshome Girma, oo ah madaxa cadaalada gobolka Oramiya ayaa Warbaahinta u sheegay in cafis loo fidiyay xabsiyadana laga siideenayo maxaabiis gaareysa 2,345 ruux oo u badan dhalinyaro.
Dhawaan ayey aheyd markii Dowlada Itoobiya sidan oo kale cafis ugu fidisay maxaabiis badan uu ku jiray hogaamiyaha mucaaradka ee Merera Gudina, waxaana maxaabiistan u xirnaayeen arimo siyaasadeed.
Maxaabiistan ayaa la sheegay in uu cafis u fidiyay Madaxweynaha ismaamulka Oromiya, maxaabiistan ayaana xabsiyada laga sii deyn doonaa marka ay dhameestaan tababar dhaqan celin ah.
Xafiiska Shabakada Allbanaadir.com
Muqdisho Somalia
Allbanaadir@live.com
