Bisad sawirkeeda loo isticmaalay xayaysiin ayaa loo xukumay lacag dhan $710,000 dolar oo magdhow ah, kadib markii sida la sheegay shirkadda sawirka isticmaashay ay ku xad gudubtay heshiis horay u dhacay.
Shirkadda mas’uulka ka ah mukulaasha oo lagu magacaabo Gruspy Cat Limited ayaa dacwad ku oogtay shirkadda samaysa bunka la cabbo taas oo markii hore lagula heshiiyay in sawirka bisada u isticmaasho bunka qaboow oo kaliya, balse waxa ay u isticmaashay alaabo kale oo dheeraad ah.
Bisadan oo lagu magacaabo Tardar Sauce ayuu sawirkeeda aad u baahay, Â waxaana aad loola dhacay shucuurta murugada leh ee wajigeeda ka muuqda.
Waxaa xitaa jira aflaam ay jishey mukulaasha, iyo bandhigyo taleefishin oo ay kasoo muuqatay.
Sanadkii 2013-kii shirkadda waxyaabaha la cabbo ee Grenade Beverages oo ay wada leeyihiin wiil iyo aabihiis ayaa qoyska mukulaasha leh la galay heshiis ku kacaya $150,000 doolar si sawirkeeda la yaabka leh loogu dhajiyo bunka ay shirkadooda samayso.
Shirkadda Grenade ayaa iyaduna dhankeeda ka furatay dacwad ka dhan ah qoyska mukulaasha, waxayna ku eedeysay in sidii lagu heshiiyay dhankooda aysan kasoo bixin waxyaabaha qaar.
Xafiiska Shabakada Allbanaadir.com
Muqdisho Somalia
Allbanaadir@live.com
