Shacabka ku dhaqan magaalada Muqdisho ayaa si weyn usoo dhaweeyay Gudoomiyaha cusub ee gobolka Banaadir ahna Duqa magaalada Muqdisho Eng Cabdiraxmaan Cusmaan Yariisow.
Shacabka Muqdisho qaarkood oo aragti ka dhiibtay isbadalka lagu sameeyay maamulka gobolka Banaadir ayaa sheegay in ay soo dhaweenayaan kuna faraxsan yihiin Gudoomiyaha cusub ee gobolka loo magacaabay.
Maxamed Siciid (Mow Jisow) oo kamid ah dhalinyarada ku dhaqan magaalada Muqdisho ayaa ugu baaqay Gudoomiyaha cusub ee gobolka Banaadir in uu la yimaado isbadal muuqda oo lagu hor marinayo gobolka laguna xaqiijinayo amaanka.
”Waan ku fraraxsanahay in Yariisow laga dhigo Gudoomiyaha gobolka waa nin u qolma oo wax badan qaban kara, waxaana ugu baaqi lahaa in uu kala diro Gudoomiyaasha degmooyinka hada jooga oo fashilmay lana yimaado Gudoomiyaal wax tar leh.” Ayuu yiri Maxamed Siciid.
Qaar kale oo kamid ah Shacabka Muqdisho ayaa iyana ugu baaqay Gudoomiyaha cusub in Gudoomiyaasha degmooyinka uu soo magacaabayo kusoo daro qaar kamid ah Gudoomiyaashii hore oo khibrad u leh degmooyinka si maamulka u guuleesto.
Gudoomiyaha cusub ee gobolka Banaadir Eng Yariisow ayaa ah nin si weyn uga soo dhax muuqday dowaladihii kala duwanaa ee dalka soo maray, waxa ayna shacabka Muqdisho rajo weyn ka qabaan in uu isbadal muuqdo la imaan doono.
 Xafiiska Shabakada Allbanaadir.com
Muqdisho Somalia
Allbanaadir@live.com
