Xoogag hubeesan ayaa goordhaw weerar isugu jira qarax iyo mid toos ah waxa ay ku qaadeen xarun Hay’ada Badbaada caruurta ee Save The Children ku leedahay dalka Afgaanistan.
Qarax xoogan ayaa ka dhacay afaafka hore xarun Hay’adan ku leedahay magaalada Jalalabad ee dalka Afgaanistan, waxaana qaraxa kadib xaruntaasi weerar ku galay dabley hubeesan oo wali ka dhax dagaalamaya.
Weerarkan goordhaw lagu qaaday xarunta ay leedahay Hay’ada Save The Children ayaa waxaa ka dhashay khasaaro isugu jira dhimasho iyo dhaawac, waxaana muuqaalo la baahiyay laga arkayay gaadiid badan oo gubanaya iyo dad kala ordaya.
Kooxda Taalibaan ee ka dagaalanta dalka Afgaanistan ayaa dhawaan weerar isugu jira qaraxyo iyo mid toos ah ku qaaday Hotel nuuca raaxada ah oo kuyaala magaalada Kabul, waxaana weerarkaasi lagu dilay dad badan.
Xafiiska Shabakada Allbanaadir.com
Muqdisho Somalia
Allbanaadir@live.com
