Wakiilka Qaramada Midoobay u qaabilsan Soomaaliya Nicholas Haysom ayaa si kulul u cambaareeyay madaafiic khasaaro geesatay oo maanta kusoo dhacday xarunta Xalane oo xafiisyo ku leeyihiin Qaramada Midoobay.
Nicholas Haysom ayaa sheegay in madaafiicda maanta kusoo dhacday xarunta Xalane ay ku dhaawacmeen labo kamid ah shaqaalaha Qaramada Midoobay, waxa uu sidoo kale sheegay in qof kale oo qandaraasle ah isna ku dhaawacmay madaafiicda .
Waxa uu sheegay Wakiilka Qaramada Midoobay u qaabilsan Soomaaliya in xarunta Xalane lagu soo weeraray ilaa 7-madfac , waxa uuna xusay in dhaawacyada shaqaalahooda kasoo gaaray duqeyn uusan halis badan ku aheyn noloshooda.
Wakiilka Qaramada Midoobay u qaabilsan Soomaaliya Nicholas Haysom ayaa weerarka Madaafiicda loo adeegsaday ku tilmaamay mid xadgudub ku ah sharciga bani’aadminnimada ee caalamka.
Al Shabaab ayaa sheegatay masuuliyada duqeynta maanta lala eegtay xarunta Xalane ay dagan yihiin Qaramada Midoobay, AMISOM iyo qaar kamid ah Safaaradaha Reer Galbeedka ku leeyihiin Soomaaliya.
Xafiiska Shabakada Allbanaadir.com
Muqdisho Somalia
Allbanaadir@live.com
