Waxaa saakay qarax nuuca miinada dhulka lagu aaso uu ka dhacay agagaarka Ex-Contarol Afgooye ee magaalada Muqdisho, waxaana qaraxan ka dhashay khasaaro isugu jira dhimasho iyo dhaawac.
Wariye tagay goobta qaraxu ka dhacay ayaa sheegay in qaraxu ahaa Miino dhulka lagu aasay , waxa uuna Wariyaha xusay in xiliga qaraxu dhacayay in aysan jirin cid si gaar ah miinadaasi loogu bartilmaameedsanayay.
Inta la xaqiijiyay hal nin oo ka agdhawaa halka uu qaraxu ka dhacay ayaa halkaasi ku dhintay halka uu dhaawac soo gaaray qof kale oo haweeney ah oo hada lagu daweenayo isbitaal kuyaala Muqdisho.
Ciidamada amaanka ayaa gaaray halka uu qaraxu ka dhacay, waxa ayna ciidamada halkaasi ka wadaan baaritaano ku aadan cidii ka dambeysay qaraxaasi iyo in ay jiraan qaraxyo kale oo goobtaasi ku aasan.
Xafiiska Shabakada Allbanaadir.com
Muqdisho Somalia
Allbanaadir@live.com
