Ciidamada Xoogga dalka Qeybta 43aad, kuwa Kumandoska Soomaaliya iyo ciidamo Kenyan iyo Maraykan ah ayaa Al-shabaab kala wareegay degaanka Baar Sanguuni oo qiyaastii Kismaayo u jira 45km.
Taliyaha Ciidanka Xoogga dalka Qeybta 43aad General Ismaaciil Saxardiid ayaa sheegay in Ciidamada Xoogga dalka iyo kuwa Kumaandoska DANAB ay Al-shabaab ka saareen degaanka Sanguuni ee gobolka Jubbada hoose
Howlgalka Al-Shabaab looga saaray degaanka Sanguuni ayaa waxaa ka qeyb qaatay diyaarado helikobtar ah oo ay wateen ciidamada Mareykanka sida uu sheegay Jen. Saxardiid
Todoba dagaalyahan oo ka tirsan Al-shabaab uuna ku jiray sarkaalkii u qaabilsanaa degaanka ayuu sheegay Jen. Saxardiid in lagu dilay dagaalka ka dhacay Sanguuni isagoo intaas ku daray in labo ka mid ah gaadiidka dagaalka Al-shabaab laga qabsaday.
Al-Shabaab ayaan ka hadlin dagaalka la sheegay in looga qabsaday degaanka Baar Sanguuni ee gobolka J/hoose.
Xafiiska Shabakada Allbanaadir.com
Muqdisho Somalia
Allbanaadir@live.com
