Taliyaha qeybta 27aad ee ciidanka Xoogga dalka Soomaaliyeed Jeneraal Maxamuud Maxamed Koronto ayaa faah faahin ka bixiyay howlgallo ay ciidamada ka fuliyeen inta u dhexeyso Jowhar iyo Balcad.
Wadadan oo aheyd mid amaan ah sanadihii la soo dhaafay ayaa maalmihii la soo dhaafay weeraro xooggan ka geystay dagaalyahano ka tirsan Al-shabaab.
Jeneraal Maxamuud Maxamed Koronto ayaa sheegay in maalmahan ay jireen carqaladeyn ay sameynayeen kooxda Al-Shabaab oo gaadiidka isticmaala Jowhar iyo Balcad ay jidka u galayey, balse howlgallo ay ciidamada halkaasi ka fuliyeen ayuu xusay iney qasaaro xoog leh ku gaarsiiyeen Al-Shabaab, isla markaana ciidan xoog leh la dhigay waddadasi.
Waxaa uu beeniyay warar agu baahiyay baraha bulshada iyo warbaahinta gudaha qaarkood oo sheegayey in Al-Shabaab ay qabsadeen tuulooyin hoostaga Jowhar, waxaana uu intaa ku daray in ciidamada ay markasta diyaar u yihiin inay shacabka ka dulqaadaan cadowga ku soo dhuumaaleysanaya dhulka howdka ah sida uu warka u dhigay.
Xafiiska Shabakada Allbanaadir.com
Muqdisho Somalia
Allbanaadir@live.com
