Madaxweynaha Jamhuuriyada Soomaaliya Maxamed Cabdulaahi Farmaajo iyo Wafdi uu hogaaminayo ayaa goordhaw gaaray magaalada Cadaado ee xarunta KMG ee maamulka Galmudug.
Wafdiga uu hogaaminayo Madaxweynaha Soomaaliya ayaa safar dhulka ah ku tagay magaalada Cadaado iyaga oo kasoo baxay Koonfurta magaalada Gaalkacyo ay xalay ku hoydeen.
Dadweyne aad u fara badan oo watay astaanta Calanka Soomaaliya iyo Sawirada Madaxweynaha ayaa si heer sare ah magaalada Cadaado ugu soo dhaweeyay Madaxweynaha Soomaaliya.
Madaxweyne Farmaajo iyo wafdiga la socda ayaa loo gelbiyay xarunta Madaxtooyada Cadaado, waxaana la filayaa in halkaasi kula kulmo Madaxda maamulka Galmudug iyo qeybaha kala duwan ee Bulshada Cadaado.
Amaanka magaalada Cadaado ayaana si weyn loo adkeeyay, waxaana amaanka Madaxweynaha si gaar ah u sugaya ciidamo katirsan ilaalada gaarka ah ee Madaxweynaha iyo Ciidamo katirsan AMISOM oo Cadaado horey u joogay.
Xafiiska Shabakada Allbanaadir.com
Muqdisho Somalia
Allbanaadir@live.com
