Kooxo biskoolado ku hubeesan ayaa saakay xaafada Haanta Dheer ee katirsan degmada Dayniile waxa ay ku dileen nin katiranaa Wasaarada Diinta iyo Owqaafta Xukuumada Soomaaliya sidoo kale ahaa Macalin Jaamacad.
Sida aan wararka ku heleyno kooxaha hubeesan ayaa meel aan ka fogeyn gurigiisa waxa ku dileen Maxamed Cabdi (Oongooye), oo macalin ka ahaa Jaamacada Daaha ee kutaala Muqdisho sidoo kale katirsanaa Shaqaalaha Wasaarada Owqaafta iyo Arimaha Diinta.
Goob joogayaal ayaa ku waramay in macalinkan dhoor xabadood jirka sare looga dhuftay, waxaana halka uu dilku ka dhacay si deg deg ah uga baxsaday kooxihii hubeesnaa ee fuliyay dilkaasi qorsheesnaa.
Ciidamo katiran booliika Soomaaliya ayaa daqiiqado kadib gaaray halka uu dilku ka dhacay, waxa ayna ciidamada booliiska sameeyeen baaritaano aan wali la shaacin natiijada kasoo baxday.
Dilalka qorsheesan iyo qaraxyada ayaa maalmihii lasoo dhaafay kusoo kordhayay magaalada Muqdisho, waxa ayna arimahan imaanayaan xili magaalada ka howlgalaan ciidamo cusub oo booliis ah.
Xafiiska Shabakada Allbanaadir.com
Muqdisho Somalia
Allbanaadir@live.com
