Waxaa saakay dadka ku dhaqan Xaafad katirsan magaalada Muqdisho markii ay soo tooseen kadib arkeen Meydadka Neefaf ido ah oo iyaga oo gowracan lasoo dhigay xaafadooda.
Goob joogayaal ayaa noo sheegay in Neefaf ido ah iyaga oo gowracan lasoo dhigay xaafad Bermuuda oo katirsan Degmada Howl Wadaag, waxaana idahan wadooyinka qaar loo dhigay hal hal iyo labo labo.
Dadkii arkay idahan la gowracay ayaa aad uga naxay iyaga oo shaki galay, mana jiro ilaa hada cid goobihii la dhigay ka qaaday idahan gowracan ee saakay lagu arkay qeybo kamid ah Muqdisho.
Wariye katirsan Allbanaadir oo ku sugan xaafada Bermuuda ee degmada Howl Wadaag ayaa indhihiisa ku arkay meydadka dhoor neef oo ido ah oo madaxa ka gowracan kuwaa oo lasoo dhigay qeybo kamid ah xaafadaasi gaar ahaan agagaarka xarunta Degmada.
Maamulada Degmada Howl Wadaag iyo kan gobolka Banaadir ayaan wali ka hadlin idahan iyaga oo gowracan lagu soo daadiyay xaafado katirsan Muqdisho cida soo dhigtay iyo waliba ujeedka laga leeyahay.
Waxii Warar ah ee kusoo kordha kala soco wararkayaga dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
