Warar goor dhow na soo gaaray ayaa sheegaya in la laalay guud ahaanba mooshinkii laga keenay dhowaan Madaxweynaha Somalia Maxamed C/llaahi Farmaajo.
Ilo wareedyo lagu kasoon yahay ayaa allbanaadir online u xaqiijiyey in Guddoomiyaha Baarlamanka Maxamed Mursal Shiikh C/raxmaan uu saacadaha soo socda ku dhawaaqayo in mooshinka Madaxweynaha Xildhibaanadii ka keenay ay ka laabteen, iyagoo eegaya xaalada dalka uu ku jiro.
Xildhibaannadii Mooshinka keenay ayaa iyaguna laga soo xigtay in guddoomiye Mursal uu ku qanciyey inay ka laabtaan mooshinka, iyaguna ka yeeleen.
Wararka qaar ayaa sheegaya in Guddoomiyaha Baarlamaanka uu kulankii ugu danbeeyay ee uu la yeeshay Ra’iisal wasaare Xasan Cali Kheyre la isku afgartay inuu waxba kama jiraan ka soo qaado Mooshinka, si xal loogu helo khilaafka keenay inay istaagaan howlihii Baarlamaanka.
Mooshinkan ayaa xiisad ka dhex dhaliye madaxda sare ee dowlada, isagoo walaac ku abuuray shacabka Soomaalida oo ka soo daalay qalaalasaha siyaasadeed ee madaxda dowlada soo dhex gala.
Xafiiska Shabakada Allbanaadir.com
Muqdisho Somalia
Allbanaadir@live.com
